Жывёлаводу з Брагінскага раёна за месяц не налічылі і 800 рублёў
Цяляты на ферме (ілюстрацыйнае фота) / молочнаяферма.рф
Жывёлавод з Брагінскага раёна паказала разліковік — за месяц ёй не налічылі і 800 рублёў. І гэта прытым, што яна адпрацавала 27 дзён.
Вольга Цалуйка выхожвае цялятак на сяльгаспрадпрыемстве "Маложынскі". На яе папячэнні ад 60 да 80 каровак і бычкоў, за якімі трэба даглядаць. "Можа, гэта ў мяне адной такі заробак?!" — здзіўляецца жанчына.
Цікава, што 3,5 гады таму яна таксама паказвала падпісчыкам свой разліковік. За 30 дзён, адпрацаваных у сакавіку 2021 года, ёй налічылі 423 рублі.
Сярэдні заробак у беларускай сельскай гаспадарцы — 1772,9 рубля. Гэта даныя Белстата, які падрыхтаваў статыстычны агляд да Дня работнікаў сельскай гаспадаркі.
