Эйчара кампаніі Godel Вольгу Казадой асудзілі на 15 сутак
Вользе прад'яўленае абвінавачванне па ч. 2 арт. 19.11 КаАП / Depositphotos
Эйчара кампаніі Godel Вольгу Казадой асудзілі на 15 сутак за падпіску на экстрэмісцкі тэлеграм-канал, паведамляюць праваабаронцы.
Супрацоўніцу Godel Technologies затрымалі САХР і ГУБАЗіК раніцай 4 лістапада, у яе правялі два ператрусы — па месцы жыхарства і па месцы рэгістрацыі. Ноч да суда яна правяла на Акрэсціна.
У пятніцу ў судзе Вользе было прад'яўленае абвінавачванне па ч.2 арт. 19.11 КаАП. Згодна з ім, яна "захоўвала ў асабістым акаўнце матэрыялы тэлеграм-канала "Баста", прызнанага экстрэмісцкім". Віну дзяўчына прызнала часткова. Па словах Вольгі, яна чытае тэлеграм-каналы, але не распаўсюджвае інфармацыю з іх.
