Фактчэкінг: колькі на самай справе праглядаў у фільма "Сляды на вадзе"?
![Фактчэкінг: колькі на самай справе праглядаў у фільма "Сляды на вадзе"?](/sites/default/files/styles/gallery_main/public/2023-08/sledy-na-vode-901085.jpg.webp?itok=3rjC-zPb)
Генеральны дырэктар "Беларусьфільма" Ігар Поршнеў у нядаўнім інтэрв'ю БЕЛТА заявіў, што фільм "Сляды на вадзе" за чатыры месяцы ў інтэрнэце прагледзела каля 5 млн гледачоў.
Еўрарадыё вырашыла праверыць, наколькі гэтая лічба рэальная.
На Youtube агульная колькасць з розных крыніц — каля 550 тысяч праглядаў.
На разнастайных torrent-трэкерах — каля 10 тысяч запамповак.
Аднакласнікі: каля 90 тысяч праглядаў.
ВК: каля 20 тысяч праглядаў.
На разнастайных сайтах, дзе ёсць гэты фільм: яшчэ каля 40 тысяч праглядаў.
У сукупнасці атрымліваецца лічба ў 7-8 разоў меншая, чым агучаная. Цікава, дзе дырэктар "Беларусьфільма" ўбачыў 5 мільёнаў праглядаў ці хто яму пра іх распавёў.