У Малі знішчылі калону ПВК "Вагнер" — загінуў камандзір і дзясяткі наймітаў
Паўстанцы разбілі калону "вагнераўцаў" у Малі / Тэлеграм
У Малі трапіла ў засаду калона ПВК "Вагнер". Паўстанцы распаўсюджваюць відэа з дзясяткамі трупаў і заяўляюць, што гатовыя перадаць палонных Украіне — "як знак падтрымкі і салідарнасці".
Расійскія вайсковыя паблікі пішуць, што ў знішчанай калоне "вагнераўцаў" знаходзіўся іх дзеючы камандзір Антон Елізараў — і што ён загінуў. Ва Украіне найміт камандваў захопам горада Саледар.
Таксама паведамляюць пра гібіель прапагандыста, які адміністраваў тг-канал GREY ZONE на паўмільёна падпісчыкаў.
У грамадзянскай вайне ў Малі рэшткі ПВК "Вагнер" падтрымліваюць урад краіны, які прыйшоў да ўлады пасля перавароту. Абарона такіх рэжымаў — "паслуга", якую Расія аказвае наўзамен за доступ да карысных выкапняў і іншыя выгоды. "Вагнераўцам" супрацьстаяць паўстанцы-туарэгі CSP-DPA.
