Фанаты ФК "Дынама-Мінск": усе банэры і атрыбутыка будуць па-беларуску

Уся атрыбутыка і банэры цяпер будуць вырабляцца па-беларуску. З такой заявай выступілі фанаты футбольнага клуба "Дынама-Мінск". Таксама супольнасць забараніла сваім удзельнікам выкарыстанне любой сімволікі з камуністычнымі выявамі і савецкім падтэкстам.

Дынамаўскія фанаты абвясцілі байкот усіх матчаў клуба на тэрыторыі Беларусі — праз палітычную сітуацыю ў краіне. Пры гэтым яны падкрэслілі, што хадзіць на звычайную, не "фанацкую", трыбуну на гульні таксама не дазваляецца. 

Фан-клуб "Дынама" разарваў саюз з фанатамі маскоўскага ЦСКА, заявіў, што фанаты кіеўскага "Дынама" больш не з'яўляюцца ворагамі, і пастанавіў спыніць любыя бойкі з апанентамі ў Беларусі.