Фанаты "Кубані" пагражаюць акцыямі пратэсту пры адстаўцы Ганчарэнкі

З серады ходзяць чуткі пра адстаўку Віктара Ганчарэнкі з пасады галоўнага трэнера краснадарскага футбольнага клуба "Кубань". Паведамляецца, быццам яго павінен замяніць іншы беларускі спецыяліст — Леанід Кучук. 

Кіраўніцтва клуба спярша заяўляла, што Ганчарэнка застаецца галоўным трэнерам, а потым — што сітуацыя высветліцца ў чацвер, 13 лістапада. 

Тым часам прадстаўнік фанацкага аб'яднання "Кубані" "Трыбуна Поўдзень" кажа, што фанатам не зразумелая пазіцыя кіраўніцтва клуба. "Ці правядуць фанаты "Кубані" акцыі пратэсту ў выпадку адстаўкі Ганчарэнкі? Думаю, вельмі верагодна", — цытуе яго словы сайт by.tribuna.com са спасылкай на расійскія СМІ. 

Аднак у той жа час фанаты разумеюць, што кіраўніцтва клуба ў гэтай сітуацыі наўрад ці прыме да ўвагі іх меркаванне.

Віктара Ганчарэнку адпраўляюць у адстаўку

Фота — eurosport.ru