Гарады Еўропы падораць Украіне электрагенератары
Пасля расійскіх ракетных удараў нямала ўкраінскіх гарадоў застаюцца без святла / УНІАН
Старшыня Еўрапарламента Раберта Метсола заклікала ўсе гарады, пасёлкі і рэгіёны Еўропы далучыцца да кампаніі "Генератары надзеі". Яна выступіла з гэтай ініцыятывай разам з мэрам Фларэнцыі Дарыё Нардэлай. "Генератары надзеі" павінны забяспечыць электраэнергіяй асноўныя аб'екты Украіны, у тым ліку бальніцы, школы, воданапорныя станцыі, цэнтры дапамогі, прытулкі і лініі тэлефоннай сувязі. Буйныя еўрапейскія гарады падораць украінцам электрагенератары і трансфарматары, каб дапамагчы перажыць цяжкія наступствы разбуральных расійскіх ракетных удараў.
"Еўрапейскі парламент і ЕС прадэманстравалі выдатную салідарнасць з Украінай на гуманітарным, ваенным і фінансавым франтах, — кажа Метсола. — Цяпер ім патрэбна практычная падтрымка, каб перажыць зіму".
I strongly welcome the #GeneratorsofHope campaign in support of as just launched by @EP_President & @DarioNardella.
— Janez Lenarčič (@JanezLenarcic) November 23, 2022
As I assured PR Metsola, the #EUCivilProtectionMechanism is best placed to make the delivery of power generators from cities a reality as fast as possible. pic.twitter.com/osoU4lXh3j
