Генеральны сакратар ААН: сцвярджэнні аб катаваннях павінны быць расследаваны

З 9 жніўня, пасля абвяшчэння першых вынікаў прэзідэнцкіх выбараў, у Беларусі праходзяць масавыя акцыі пратэсту. З 9 па 12 жніўня сілавікі жорстка душылі і разганялі акцыі. Супраць людзей ўжывалі сьлезацечны газ, вадамёты, светлашумавыя гранаты і гумовыя кулі. Было затрымана каля сямі тысяч чалавек.

Людзі, якія выходзяць з ЦІП на Акрэсціна распавядаюць пра жудасныя ўмовы ўтрымання і жорсткае абыходжанне з боку сілавікоў. На плошчы беларускіх гарадоў у адказ на фальсіфікацыі выбараў і гвалт з боку сілавікоў выйшлі працоўныя дзяржаўных прадпрыемстваў. Апошнія тры дні ўсе акцыі пратэсту ў Беларусі праходзяць мірна.

Да пратэстоўцаў далучыліся з патрабаваннем перагляду вынікаў выбараў дзясяткі дзяржпрадпрыемстваў, у тым ліку МАЗ, МТЗ, "Белшына", "Беларуськалій", "Гродна Азот", "Нафтан", "БелАЗ" і іншыя. 14 жніўня супрацоўнікі Мінскага трактарнага завода калонай прайшлі па цэнтры горада.