Генштаб УСУ прапануе, як дзейнічаць беларускім вайскоўцам у выпадку вайны
Украінцы заклікаюць беларускіх вайскоўцаў не ваяваць / кадр з відэа
Генштаб Узброеных сіл Украіны звярнуўся да беларускіх вайскоўцаў з прапановай на той выпадак, калі іх адправяць ваяваць.
"Калі беларускіх вайскоўцаў прымусяць узяць удзел у вайне Пуціна супраць Украіны і вы не зможаце не выканаць гэты злачынны загад", — удакладняе ўкраінскае вайсковае камандаванне.
Украіна прапануе беларусам наступныя крокі пасля пераходу мяжы:
— спыніцца ў складзе падраздзялення і заглушыцье маторы;
— разрадзіць зброю і ўзняць белыя сцягі;
— дачакацца сустрэчы з камандаваннем УСУ.
Ва ўкраінскм Генштабе падкрэсліваюць, што кардынальна падзяляюць вайскоўцаў Беларусі і Расіі. Беларускім вайскоўцам прапануюць умовы нашмат лепшыя, чым расіянам.
У прыватнасці, беларускім вайскоўцам, якія здадуцца паводле апісанаг алгарытму, прапануюць:
— знаходжанне ў ваенных гарадках на тэрыторыі Украіны з неабходнымі побытавымі ўмовамі, харчаваннем, медыцынскім абслугоўваннем, сувяззю з роднымі і інтэрнэтам;
— або яны змогуць адразу вярнуцца ў Беларусь.
Украінскі Генштаб абяцае, што беларускія вайскоўцы, якія не стануць забіваць украінцаў, будуць абароненыя і забяспечаныя ўсім неабходным паводле нормаў УСУ.
