Гран-пры "Славянскага базару" атрымаў Адзільхан Макін з Казахстана
![Гран-пры "Славянскага базару" атрымаў Адзільхан Макін з Казахстана](/sites/default/files/styles/gallery_main/public/2023-08/makin-1507.jpg.webp?itok=qUyy-_tE)
Гран-пры XXVIII Міжнароднага конкурсу выканаўцаў эстраднай песні на "Славянскім базары ў Віцебску" заваяваў прадстаўнік Казахстана Адзільхан Макін. Як перадае БЕЛТА, узнагароду пераможцу ўрачыста ўручаць сёння на гала-канцэрце закрыцця.
Па выніках двух конкурсных дзён казахстанскі спявак набраў 178 балаў, адарваўшыся ад канкурэнтаў. Яму ўручаць узнагароду "Ліру" і прэмію ў 20 тысяч долараў.
За першае месца змагаліся Георгій Путкарадзе з Грузіі ды Ілай з Ізраіля — кожны з іх набраў 171 бал. Палажэнне конкурсу забараняе дзяліць першую прэмію. Старшыня журы Тамара Гвердцытэлі свой дадатковы голас аддала грузіну — ён і стаў лаўрэатам першай прэміі (15 тысяч долараў).
Ілай і беларус Ваня Зданюк атрымалі другую прэмію (5 тысяч долараў кожнаму) і спецпрыз.
Трэцяя прэмія дасталася расіяніну Івану Дзятлаву і ўкраінцу Дзмітрыю Бабаку з Украіны. Лаўрэаты атрымалі спецыяльны прыз і 5 тысяч долараў.