Хлопцы ў масках: гурт Zanzibar у жывым эфіры Еўрарадыё
У Беларусі з’явіліся паслядоўнікі гурта Zet, які незаўважна сыйшоў у нябыт 10 гадоў таму. Маладыя музыкі назваліся Zanzibar і не выходзяць на сцэну без масак. Забягаючы наперад — толькі аднойчы міліцыя змусіла іх зняць маскі падчас канцэрта. Але ніводнай фоткі не засталося.
Днямі Zanzibar выпусцілі свой першы альбом — “ТАКСІКОЗ”. Хлопцы прыйшлі ў студыю Еўрарадыё, каб пагаварыць пра рэліз, ананімнасць, прапаганду, манеры, фанатак і свой галоўны хіт пра лета.
