Іван Кулікоў - у СІЗА Жодзіна
Былому прэтэндэнту на пасаду прэзідэнта выставілі абвінавачанне ў крадяжы шляхам злоўжывання службовымі паўнамоцтвамі.
Ён знаходзіцца ў СІЗА горада Жодзіна. Пра гэта Еўрарадыё паведамілі ў прэс-службе ГУУС Мінгарвыканкама.
Міліцыянт: "Выстаўлена абвінавачанне па частцы 3 артыкула 210 Крымінальнага кодэксу. І абраная мера стрымання ў выглядзе знаходжання пад вартай. Іншымі словамі, ён арыштаваны і знаходзіцца ў СІЗА".
Нагадаем, Іван Кулікоў балатаваўся на пасаду прэзідэнта, але на этапе збору подпісаў зняў сваю кандыдатуру. Ён працаваў у інстытуце "Сосны" кіраўніком лабараторыі абсталявання ядзерных энергетычных установак.
