Камітэт ПАРЕ па міграцыі ўзначаліць украінец, які выступае па беларускім пытанні
Аляксей Ганчарэнка / @oleksiihoncharenko
Камітэт ПАРЕ па міграцыі і бежанцах узначаліць дэпутат "Вярхоўнай рады" Украіны Аляксей Ганчарэнка. "Рашэнне ўжо прынятае. На студзеньскай сэсіі ПАРЕ буду фармальна зацверджаны", — напісаў Ганчарэнка ў тэлеграм. Ён адзначыў, што ўкраінец стане прэзідэнтам міграцыйнага камітэта ўпершыню ў гісторыі ПАРЕ.
"Гэта вельмі важна. Асабліва калі мільёны ўкраінцаў жывуць у Еўропе", — адзначыў ён. Нагадаем, са студзеня 2022 года Аляксей Ганчарэнка з'яўляецца віцэ-прэзідэнтам гэтага камітэта.
Менавіта Ганчарэнка быў ініцыятарам прызнання Аляксандра Лукашэнкі датычным да выкрадання ўкраінскіх дзяцей. "Я падаў праўку, што не толькі Пуцін павінен быць прыцягнуты да адказнасці... Але і... Лукашэнка", — казаў ён. ПАРЕ падтрымала тады ягоную прапанову. А раней ён прапаноўваў Вярхоўнай Радзе прызнаць Беларусь тэрыторыяй, часова акупаванай Расіяй.
