Капскі расказаў, як у 90-я з гранатамі ў машыне ездзіў у Расію вяртаць тавар
![Капскі расказаў, як у 90-я з гранатамі ў машыне ездзіў у Расію вяртаць тавар](/sites/default/files/styles/gallery_main/public/2023-08/kapskinnby715.jpg.webp?itok=wcCRn3RF)
З нагоды 50-годдзя кіраўніка праўлення ФК БАТЭ Анатоля Капскага "Прессбол" зрабіў з ім вялікае інтэрв'ю. Гаворка ішла не толькі пра цяперашнюю сітуацыю ў клубе, пра трансферы футбалістаў і іх кошты, але і пра мінулае клуба. Капскі распавёў, як у 90-я гады рабіў першыя крокі ў бізнесе. Аднойчы ў Расію быў адпраўлены тавар на 100 тысяч долараў, але грошай яго прадпрыемства не атрымала. Тады Капскі і двое яго сяброў на "Хёндай Лантры" паехалі ў Башкірыю шукаць свой тавар. Адзін з іх узяў з сабой дзве гранаты РГД-5. У Расіі іх і легкавік правяралі міліцыянеры, але гранаты не знайшлі.
Грошай беларусы не атрымалі, але змаглі вярнуць большую частку свайго тавару. А гранаты выкінулі на зваротным шляху — узрывальнікі асобна, гранаты асобна.