Кіраўніцу незалежнага прафсаюза "Нафтан" Вольгу Брыцікаву асудзілі на 15 сутак
Вольга Брыцікава / прыватны архіў
Кіраўніцу незалежнага прафсаюза "Нафтан" Вольгу Брыцікаву асудзілі на 15 сутак арышту за распаўсюд экстрэмісцкіх матэрыялаў. Суд над ёй прайшоў 3 лістапада, піша тэлеграм-канал «Свободный профсоюз».
Жанчыну затрымалі 1 лістапада пасля ператрусу. Сёлета Вольга Брыцікава правяла за кратамі 75 сутак адміністрацыйнага арышту (яе судзілі пяць разоў запар, у тым ліку і за "антываенныя акцыі", давалі па 15 сутак). Яна была затрыманая ў канцы зімы, а выйшла на волю ў сярэдзіне траўня.
