Былому дырэктару шклозавода “Нёман” прысудзілі 12 гадоў калоніі
Ігар Бацян (справа) каля макета прадпрыемства / lidanews.by
Былому дырэктару шклозавода “Нёман” Ігару Бацяну прысудзілі 12 гадоў калоніі (судзілі яго ў Гродне). Пра гэта з неафіцыйных крыніц стала вядома гродзенскім праваабаронцам.
Бацяна судзілі за "здраду дзяржаве". Акалічнасці справы невядомыя.
Ігар Бацян больш за 12 гадоў узначальваў шклозавод. Пасля займаўся дзіцяча-юнацкім хакеем Беларусі, далей згадкі пра яго зніклі. У 2020-м ён публічна ніяк сябе не праявіў. Анлайн у сацсетках апошні раз быў у кастрычніку 2023 года — хутчэй за ўсё, тады яго і затрымалі.
У жніўні сёлета стала вядома, што ў Гродзенскім абласным судзе пачаўся працэс па справе Бацяна. Але афіцыйнай інфармацыі не было і няма дагэтуль.
