Пашкодзіць інтэрнэт-кабель у Балтыйскім моры мог кітайскі карабель
Пашкоджанне кабеляў пакуль не прывяло да сур'ёзных наступстваў / W.media
Кітайскае грузавое судна "Yi Peng 3" можа мець дачыненне да пашкоджання як мінімум аднаго з двух оптавалакновых падводных кабеляў у Балтыйскім моры.
Як паведамляе фінская Hufvudstadsbladet, кітайскі карабель выйшаў з расійскага порта Усць-Луга на мінулым тыдні і на выходных прайшоў раён пашкоджання кабеля C-Lion. На адным з участкаў, дзе затым з'явілася пашкоджанне, карабель адключыў сігнал AIS, таму прасачыць яго дакладны маршрут не ўдалося.
Цяпер судна "Yi Peng 3" суправаджае Дацкі інспекцыйны карабель.
Спецыялісты Літвы, Швецыі, Фінляндыі і Германіі працягваюць расследаванне аб пашкоджанні кабеляў. Кіраўнік Мінабароны Нямеччыны назваў здарэнне "дыверсіяй".
На аднаўленне кабеляў спатрэбіцца ад некалькіх да пятнаццаці дзён.
