Кіраўнік МЗС Аўстрыі: рыхтуюцца "магутныя санкцыі" супраць Беларусі і Расіі

"Значным пунктам з'яўляецца забарона імпарту нафтапрадуктаў і нафты [з Расіі] з адпаведнымі пераходнымі перыядамі, — кажа Шаленберг. — Выключэнне наступных банкаў, асабліва найбуйнейшага расійскага банка "Сбербанк" з сістэмы SWIFT, беларускія банкі таксама ахоплены".

Кіраўнік МЗС Аўстрыі падкрэслівае, што "асабліва магутныя санкцыі — супраць ваенна-прамысловага комплексу ў Расіі і Беларусі". Будуць уведзены і новыя персанальныя санкцыі. Хто трапіць у чорны спіс, пакуль дакладна невядома.

Новыя санкцыі супраць Расіі ўжо анансавала кіраўніца Еўракамісіі Урсула фон дэр Ляен. Пра запланаваныя санкцыі супраць уладаў Беларусі было вядома з неафіцыйных крыніц.