Крывушэнка папрасіў заўзятараў падтрымаць зборную Беларусі на матчы са Швецыяй
Галоўны трэнер беларускай футбольнай зборнай Ігар Крывушэнка папрасіў заўзятараў падтрымаць каманду на гульні са Швецыяй. З такой просьбай ён звярнуўся пасля паразы Беларусі ў сустрэчы з Люксембургам (0:1).
"Зразумела, што станоўчых эмоцый не дадалося. Але футбалісты павінны ўмець прымаць паразы. Павінна з'явіцца спартыўная злосць, дадатковая матывацыя, жаданне рэабілітавацца — даказаць, што адбылася выпадковасць", — прыводзіць by.tribuna.com словы Крывушэнкі.
Трэнер заявіў, што яму не хочацца апраўдвацца пасля пройгрышу. Аднак ён паабяцаў, што ў матчы са Швецыяй зборная Беларусі пастараецца не ўдарыць тварам у бруд.
Гульня Беларусь — Швецыя адбудзецца 3 верасня ў Барысаве. Пачатак сустрэчы ў 19.00.
