Летась Віцебская вобласць страціла больш за 2000 медыкаў
Медык, ілюстрацыйнае фота / pixabay.com
За 2023 год Віцебшчына страціла каля 2000 медыкаў, заўважыў тг-канал "Віцебск, я гуляю!".
На 1 студзеня 2024 у медустановах працавалі 5000 дактароў і 13 500 сярэдніх медработнікаў. І тое з улікам, што за год вобласць прыняла 179 інтэрнаў і 203 доктары-спецыялісты. Такую статыстыку на абласной калегіі па ахове здароўя назваў начальнік упраўлення Міхаіл Вішнявецкі.
За год да таго ў Віцебскай вобласці было 5700 дактароў і 14 900 сярэдніх медработнікаў.
Такім чынам, за год у вобласці стала менш на 700 лекараў і 1400 медсясцёр. Агулам 2100 чалавек, або кожны дзясяты ад штату.
