Супрацоўніка "Белтэлекама" судзілі за "экстрэмізм" на працоўным месцы

Супрацоўніка "Белтэлекама" Юрыя Паршко судзілі за "экстрэмізм" на працоўным месцы (у Оршы нядаўна за "распаўсюд экстрэмізму" судзілі вядомага педагога). Гэта вынікае з раскладу суда Лепельскага раёна, піша тг-канал "Віцебск, я гуляю".

Вынік паказальнага палітычнага суда пакуль невядомы. Судзіў Паршко за "распаўсюд экстрэмісцкіх матэрыялаў" і "анлайн-пікетаванне" Міхаіл Юрчанка.

Юрый Паршко — электрамеханік лінейных збудаванняў сувязі і абаненцкіх прылад прадпрыемства.

Падобныя суды праходзяць па ўсёй Беларусі. Сілавікі правяраюць на прадпрыемствах у працаўнікоў тэлефоны, а пасля іх затрымліваюць (у некаторых выпадках — дзясяткамі).