Літоўская чыгунка зачыняе прадстаўніцтвы ў Беларусі і Расіі
Дзяржаўная кампанія "Літоўская чыгунка" абвясціла пра закрыццё прадстаўніцтваў у Беларусі і Расіі.
У кампаніі кажуць, што прадстаўніцтвы былі адкрытыя дзеля "супрацоўніцтва і пошуку новых сувязяў з бізнес-партнёрамі ў гэтых краінах". Аднак у сувязі з вайной ва Украіне "такіх магчымасцяў не засталося".
Працэс ліквідацыі можа заняць ад трох да шасці месяцаў.
Дарэчы, даччыная кампанія ЛЧ, якая называецца LTG Cargo, з 18 сакавіка спыніла рух сваіх вагонаў у Беларусь і Расію, а таксама транзіт праз гэтыя краіны. Гэта зроблена на знак пратэсту супраць вайны ва Украіне.
