Лукашэнка адправіў у замежныя амбасады трох з чатырох намеснікаў Макея
20 ліпеня Аляксандр Лукашэнка прызначыў шэраг амбасадараў у розныя краіны свету.
Новыя прызначэнні атрымалі тры з чатырох намеснікаў міністра замежных спраў. Першы намеснік міністра Андрэй Еўдачэнка стаў амбасадарам Беларусі ў Нідэрландах. Алег Краўчанка паедзе прадстаўляць нашу краіну ў ЗША, а Андрэй Дапкюнас — у Аўстрыю.
Такім чынам з трох намеснікаў Уладзіміра Макея сваю пасаду захаваў толькі Яўген Шастакоў. На пасадзе намесніка міністра ён знаходзіцца з сакавіка 2016 года.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
