Лукашэнка — дзецям: Вы надзейна абаронены ад бамбёжак і голаду (відэа)
Кіраўнік Беларусі ў пятніцу прыняў удзел у навагоднім дабрачынным свяце ў рамках акцыі "Нашы дзеці", якая прайшла ў Палацы Рэспублікі.
"Якім будзе заўтра Беларусь, залежыць толькі ад вас, ад вашага розуму і сэрца", — сказаў Аляксандр Лукашэнка, выступаючы перад дзецьмі.
Кіраўнік дзяржавы таксама адзначыў: "Але ў гэтыя выдатныя дні не ўсе на планеце такія шчаслівыя і прыгожыя, як вы. Вось і ў гэтыя хвіліны хтосьці з вашых замежных аднагодкаў заціскаецца ад страху пад бамбёжкамі, а камусьці няма чаго есці. Вы надзейна абароненыя ад падобных бедаў, таму што нарадзіліся і расцеце ў мірнай спакойнай краіне — краіне, якой ёсць чым ганарыцца".
Аляксандр Лукашэнка падкрэсліў, што тое, якой будзе ў будучыні Беларусь, залежыць ад сённяшніх дзяцей, школьнікаў, моладзі.
