27 снежня Аляксандр Лукашэнка разгледзіў кадравыя пытанні, паведамляе БЕЛТА са спасылкай на прэс-службу кіраўніка краіны.

Прэм’ер-міністрам замест Міхаіла Мясніковіча стаў Андрэй Кабякоў, які дагэтуль узначальваў Адміністрацыю прэзідэнта. У сваю чаргу кіраўнік віцебскага аблвыканкама Аляксандр Косінец узначаліў Адміністрацыю прэзідэнта. Старшынёй праўлення Нацбанка замест Надзеі Ермаковай прызначылі Паўла Калаўра. 

Як на нарадзе ў Лукашэнкі з-за дэвальвацыі паспрачаліся Мясніковіч і памочнік прэзідэнта

Іншыя кадравыя прызначэнні:

Васіль Мацюшэўскі — першы намеснік прэм’ер-міністра;

Уладзімір Сямяшка з першага намесніка прэм’ера стаў проста намеснікам. Старшыня наваполацкага гарвыканкама Наталля Качанава прызначана яшчэ адным намеснікам кіраўніка ўрада;

Міхаіл Жураўкоў — міністр адукацыі, Раіса Сідарэнка — намеснік міністра адукацыі;

Сяргей Налівайка — міністр падаткаў і збораў;

Віталь Воўк — міністр прамысловасці;

Уладзімір Зіноўскі — міністр эканомікі, Аляксандр Забароўскі — першы намеснік міністра эканомікі;

Андрэй Гаеў — старшыня Дзяржаўнага камітэту па маёмасці

Мікалай Снапкоў і Ігар Бузоўскі — намеснікі кіраўніка Адміністрацыі прэзідэнта.

Таксама змяніліся кіраўнікі трох абласцей: брэсцкім губернатарам стаў Анатоль Ліс, віцебскім — Мікалай Шарстнёў, магілёўскім — Уладзімір Даманеўскі.

Іна Мядзведзева стала старшынёй Нацыянальнага статыстычнага камітэту.

Таксама Лукашэнка даў згоду на прызначэнне:

Дзмітрыя Кацярыніча — генеральным дырэктарам ААТ “Мінскі аўтамабільны завод”;

Аляксея Якаўлева — генеральным дырэктарам ААТ “Белшына”;

Ігара Емельяновіча — генеральным дырэктарам ААТ “Мінскі маторны завод”;

Аляксандра Ерамеева — генеральным дырэктарам “Бабруйскаграмаша”;

Івана Пратуры — генеральным дырэктарам “Гомельшкла”.

Вызваленыя ад займаных пасадаў Уладзімір Цалка і Канстанцін Сумар.

Іосуб: Ад замены чыноўнікаў у эканамічнай палітыцы нічога не зменіцца