Лукашэнка: у Беларусі пралячылі 160-170 параненых расіян
Лячэнне ў Беларусі атрымалі каля 160-170 расіян, параненых у баях з украінцамі. Такую лічбу назваў Аляксандр Лукашэнка. Ці варта давяраць гэтай лічбе, пытанне спрэчнае.
Пра стан параненых расійскіх салдатаў, як заявіў Лукашэнка, яму кожную раніцу дакладвае міністр аховы здароўя.
Іх лечаць у трох шпіталях. "Мы лячылі і будзем лячыць гэтых хлопцаў — у Гомелі, Мазыры і, па-мойму, нейкім раённым цэнтры", — цытуе БЕЛТА словы Лукашэнкі.
Расія пачала збройнае ўварванне ва Украіну 24 лютага, у тым ліку з тэрыторыі Беларусі.
