Лявон Вольскі прадставіў “Псіхасаматыку” у віленскім клубе Loftas (фота)

3 снежня ў віленскім клубе Loftas адбылася вялікая прэм’ера альбома “Псіхасаматыка” Лявона Вольскага. На прэзентацыю кружэлкі, прысвечанай “тым, хто застаўся ў шэрагу і тым, хто нас пакінуў”, традыцыйна прыехала “палова Мінску”.

Перанос старту на гадзіну пазней з-за вялізнай чаргі на ўваходзе і не дасканалай сістэмы пропуску ў клуб ніяк не паўплываў на настрой публікі. І лірыка-акустычная частка выступу і панк-рокавая з песнямі з “Псіхасаматыкі і “Грамадазнаўства” былі прынятыя на “ура”. У пэўны момант Лявон, які ўвесь час вёў дыялог з прыхільнікамі, паставіў гітару і пачаў танчыць разам з імі. Завяршыў свой выступ рокер неўміручымі “Лёгкімі”, “Паветраным шарам” і “Трыма чарапахамі”.