Гурт VOLSKI выпусціў альбом "Лісты палітвязням"
"Лісты палітвязням" ад гурта VOLSKI / facebook.com/LavonVolski
Гурт VOLSKI выпусціў альбом "Лісты палітвязням". У яго ўвайшлі 12 песень-лістоў.
"Мы дорым нашым палітзняволеным на Каляды цэлую нізку лістоў — гэты альбом. І спадзяемся, што вы таксама падтрымаеце нашых бязвінна асуджаных людзей — лістамі, увагай, цеплынёй… І тады вялікі цуд, пра які марыць кожны беларус, нарэшце, здзейсніцца", — піша Лявон Вольскі ў сваім акаўнце на Фэйсбуку.
Кампазіцыя "Чакай мяне" прысвячаецца ўсім палітзняволеным:
"Чакай мяне, чакай мяне — і я вярнуся.
Чакай мяне, калі туга цераз край.
Чакай мяне ў радасці, стоме і скрусе.
Чакай мяне, галоўнае — вельмі чакай…”
Альбом дасяжны на ўсіх лічбавых платформах па спасылцы.
