Макрон з'явіцца ў серыяле, а Свіфт вызначылася, за каго галасаваць — #ІхНоравы

11/09/2024 - 15:21

#ІхНоравы / калаж Улада Рубанава, Еўрарадыё

Беларусь літаральна гарыць (праз пажары на балотах). А свет гарыць метафарычна. Расказваем пра самыя гучныя навіны гэтага дня.

Свіфт вызначылася, а "свіфціз"?

Прайшлі першыя дэбаты кандыдатаў у прэзідэнты ЗША Дональда Трампа і Камалы Харыс. І Тэйлар Свіфт вызначылася з фаварытам.

Выканаўца, якая збірае велізарныя стадыёны прыхільнікаў, вырашыла падтрымаць кандыдатуру Харыс, як толькі скончыліся дэбаты. Да гэтага яна не выказвалася пра свае сімпатыі на выбарах-2024. У 2020 годзе Свіфт падтрымлівала Джо Байдэна.

"Я веру, што мы зможам дамагчыся значна большага ў гэтай краіне, калі будзем кіравацца спакоем, а не хаосам", — напісала Свіфт у падтрымку Харыс.

Свіфт таксама пахваліла Харыс за тое, што сваім напарнікам і кандыдатам на пасаду віцэ-прэзідэнта тая абрала губернатара Мінесоты Ціма Уолза. Паводле спявачкі, ён "дзесяцігоддзямі адстойваў правы ЛГБТК+, ЭКА і права жанчыны на ўласнае цела".

Крытыкі ініцыятывы лічаць, што такая рэформа дапаможа наркакартэлям (а гэта вялікая праблема для Мексікі) выкарыстоўваць недасведчаных суддзяў у сваіх інтарэсах. У тэорыі ўсё можа скончыцца палітычнай і эканамічнай турбулентнасцю.

Пасля прыняцця законапраекта пачаліся пратэсты і страйкі. Дэманстранты нават уварваліся ў будынак, дзе праходзіла галасаванне.

"Суп Кэмпбел" больш не суп

"Суп Кэмпбел" перастане быць супам. Гендырэктар культавай фірмы Campbell Soup Марк Клоўз хоча памяняць назву на the Campbell's Company.

Кампанія вядомая як вытворца легендарных кансерваваных супоў. Але гендырэктар кажа, што цяпер лінейка тавараў шырэйшая — гэта ўжо і соусы, і закускі, і напоі.

"Мы заўсёды будзем любіць суп і ніколі не адвядзём позірку ад гэтага найважнейшага бізнесу. Але сёння мы значна больш, чым проста суп", — кажа Клоўз інвестарам.

Campbell была першай кампаніяй, якая пачала прадаваць кансерваваны суп больш за стагоддзе таму. Ну і што? Чаму мы наогул расказваем вам пра гэты суп? Бо гэта той самы суп, які натхніў амерыканскага мастака Эндзі Уорхала!

Яго не натхнілі ні соусы, ні закускі, ні напоі! Яго натхніла бляшанка супу. Цікава, ці пераасэнсуе хто-небудзь новы віток у развіцці кампаніі ў сучасным мастацтве? Бачым бездань тэмаў.

Брыжыт у Парыжы

Першая лэдзі Францыі Брыжыт Макрон сыграе эпізадычную ролю (саму сябе) у серыяле Netflix "Эмілі ў Парыжы".

Серыял вядомы моднымі вобразамі сваіх герояў. Але Брыжыт касцюмеры не адзявалі нейкім спецыяльным чынам, яна з'явіцца ў кадры ва ўласнай вопратцы.

З'яўленне першай лэдзі Францыі ў серыяле напрошвалася яшчэ з першага сезона, калі паводле сцэнара яна нібыта лайкнула пост галоўнай гераіні, што пераехала ў Парыж.

Макрон появится в сериале, а Свифт определилась, за кого голосовать — #ИхНравы

Эмілі ў Парыжы / sortiraparis.com

"Яна вялікая прыхільніца шоу і ўспрыняла згадку пра сябе ў першым сезоне з вялікім гумарам", — расказвае выканаўца галоўнай ролі Лілі Колінз.

Сам серыял, праўда, у Францыі крытыкуюць. У прыватнасці, за стэрэатыпнае выяўленне парыжскага жыцця. Сам Парыж у серыяле падобны хутчэй да "Дыснейлэнду", у якім усе весяляцца і вядуць бяздзейны лад жыцця.

Тым не менш, аўдыторыя ў яго велізарная, сваіх першых гледачоў "Эмілі ў Парыжы" атрымала ў разгар пандэміі, калі людзям вельмі трэба было адпачыць за праглядам чагосьці простага і яркага.

Пандэмія скончылася, а серыял працягваецца ўжо чатыры сезоны.