Майк Тайсан плануе вырошчваць марыхуану ў Каліфорніі
Завод па перапрацоўцы марыхуаны плануе адкрыць былы абсалютны чэмпіён свету па боксе Майк Тайсан. Ён ужо купіў больш за 16 га зямлі, дзе збіраецца вырошчваць марыхуану, піша "Прессбол".
Участак размяшчаецца ў амерыканскім штаце Каліфорнія, дзе з 1 студзеня дазволена прадаваць марыхуану для рэкрэацыйных мэтаў. Плантацыя марыхуаны зойме палову ўчастка. Акрамя таго Тайсан мяркуе адчыніць завод па яе перапрацоўцы, краму і школу для іншых вытворцаў па вывядзенні новых гатункаў.
Паведамляецца таксама, што кампанія Тайсана будзе займацца яшчэ і даследаваннямі ў галіне медыцынскага ўжывання марыхуаны.
