Мінабароны пацвярджае забойства ўкраінскага афіцэра ў Крыме
Па звестках Мінабароны Украіны, сяржант расійскай арміі забіў ўкраінскага маёра, які праходзіў службу ў Крыме і рыхтаваўся да выезду на мацярык.
Здарэнне адбылося 6 красавіка ў 23:40 у пасёлку Навафёдараўка, паведамляе liga.net. У афіцэрскім інтэрнаце двума стрэламі ў упор з аўтамата АК-74 малодшы сяржант марской пяхоты А.Зайцаў застрэліў 32-гадовага маёра Станіслава Карачэўскага.
Папярэдне ўстаноўлена, што адна куля трапіла ўкраінскаму афіцэру ў грудзі, другая ў раён вачэй. Па словах сведак, прыкладна ў час смерці афіцэра ў калідорах інтэрната былі чуваць выбухі і стрэлы.
Таксама ёсць інфармацыя, што таварыш загінулага — афіцэр аператыўнага аддзялення штаба вайсковай часці Узброеных сілаў Украіны капітан Арцём Ярмоленка зверскі збіты і арыштаваны салдатамі Расіі. Цяпер ён перададзены ў следчы аддзел Чарнаморскага флоту Расіі.
На месца здарэння выязджала аператыўная група Сакскага гараддзела міліцыі, ваеннай пракуратуры і следчага камітэта РФ.
Фота — ЕРА
