Мінімальны заробак у Беларусі павысілі на 88 капеек
У Беларусі вырас мінімальны заробак / Еўрарадыё
У Беларусі на 88 капеек павысілі мінімальны заробак, паведамляе Міністэрства працы і сацыяльнай абароны.
"За кастрычнік 2022 года памер месячнай мінімальнай заработнай платы складае 483 рублі 17 капеек", — кажуць у міністэрстве.
У параўнанні з ранейшым паказчыкам павелічэнне заробку склала 0,018%.
Мінулая індэксацыя мінімальнага заробка адбылася ў ліпені. Тады заробак вырас на 1,33 рубля.
У Мінпрацы нагадваюць, што пераразлік мінімальных заробкаў адбываецца тады, калі індэкс спажывецкіх цэн перавышае вызначаны парог у 5%.
