Мінскія паліклінікі і лякарні ўжо гатовыя да ацяпляльнага сезона

Пашпарты гатоўнасці да ацяпляльнага сезона атрымалі ўсе ўстановы аховы здароўя Мінска, паведамляе БЕЛТА са спасылкай на намесніка старшыні камітэта аховы здароўя Мінгарвыканкама Мікалая Скавародку. Па яго словах, сёння прыводзяць у парадак тэрыторыі лякарняў і паліклінік. Асаблівую ўвагу надаюць добраўпарадкаванню 38-й гарадской паліклінікі, дзе частку тэрыторыі аддалі пад будаўніцтва метрапалітэна. Завяршыць усе працы плануецца да надыходу дажджоў.

На сёння ў Мінску з 470 зарэгістраваных крыніцаў цяпла пашпарты гатоўнасці падпісаныя ў 379 (80,6%). З 2 764 спажыўцоў пакуль не аформілі дакументы 580. Усяго на 10 верасня падпісана 79% пашпартоў.

У цэлым жылы фонд гатовы да ацяпляльнага сезону, адзначаюць у Мінгарвыканкаме. Сёлета адрамантавалі 161,9 тысячы квадратных метраў дахаў і 156,8 тысячы пагонных метраў стыкаў сценавых панеляў. На 145,2 тысячы квадратных метраў жылых будынкаў зрабілі цеплавую рэабілітацыю. Камунальныя службы таксама прыводзілі ў належны стан балконы, казыркі і фасады будынкаў, праводзілі прафілактычны рамонт сістэм ацяплення і цеплавых вузлоў, гідрапнеўмапрамыўку і рамонт электраабсталявання.

Усяго на абслугоўванні 117 сталічных ЖЭСаў знаходзяцца 6 780 жылых дамоў.

Фота з архіву