На “Беларусь 5” распавялі, як школьнікаў заганялі на матч зборнай Беларусі
На тэлеканале “Беларусь 5” распавялі, як школьнікаў заганялі на нядаўні матч маладзёжнай зборнай Беларусі па футболе са зборнай Грэцыі. Ён праходзіў 1 верасня ў Барысаве на стадыёне “Гарадскі”. У сюжэце распавядаецца, што “дапамог адміністрацыйны рэсурс”. Аднак падчас апытання заўзятараў высветлілася, што маладыя людзі (і не толькі) не ведалі, хто ж будзе гуляць. А адзін з іх збіраўся заўзець за… БАТЭ. Найбольш дакладным аказаўся адказ “Беларусь і… штосьці на “Г”.
Дарэчы, матч маладзёжная зборная Беларусі прайграла з лікам 0:2. У пратаколе адзначаецца, што на ім прысутнічала 4250 чалавек! Праўда, у перапынку трыбуны апусцелі на палову.
