Нацыянальная гвардыя Украіны ўзяла Славянск у аблогу
Захоплены тэрарыстамі горад цалкам заблакаваны.
Пра гэта УНІАН паведамілі ў прэс-службе украінскага МУС са спасылкай на камандуючага Нацгвардыі Сцяпана Палтарака, які цяпер знаходзіцца на Данеччыне.
Паводле яго словаў, блакаванне гораду ажыццявілі ў рамках другога этапу антытэрарыстычнай аперацыі.
“Каб не даць тэрарыстам магчымасці атрымаць падмацаванне, кіраўніцтвам дзяржавы было прынятае рашэнне цалкам заблакаваць горад Славянск”, — падкрэсліў камандуючы.
Нагадаем, што ў Славянску знаходзяцца захопленыя тэрарыстамі сябры місіі АБСЕ. Іх трымаюць у закладніках.
