Нарадзіць, як Домрачава, каштуе 2000 рублёў
![Нарадзіць, як Домрачава, каштуе 2000 рублёў](/sites/default/files/styles/gallery_main/public/2023-08/roddom.jpg.webp?itok=8c6r8xXl)
1 кастрычніка алімпійская чэмпіёнка па біятлоне Дар'я Домрачава нарадзіла дзяўчынку. Роды прайшлі ў мінскай радзільні №6. Яна лічыцца адной з лепшых у сталіцы, апроч таго, што славіцца высокакваліфікаванымі спецыялістамі, тут вітаюць партнёрскія роды (муж Дар'і, Оле Б'ёрндален, прысутнічаў пры родах). Да таго ж, летам у радзільні адкрылі віп-аддзяленне маці і дзіцяці з асобнай радзільнай залай і палатамі кватэрнага тыпу. Магчыма, гэта таксама падкупіла Домрачаву. Знаходжанне у аддзяленні каштуе 2000 рублёў.
Дагэтуль меркавалася, што герой Беларусі захоча нараджаць у радзільні №5, якую ў 2014 годзе будавала на суботніку разам з кіраўніком дзяржавы. Аляксандр Лукашэнка, дарэчы, прапаноўваў Дар'і спыніцца менавіта на гэтай медыцынскай установе.
Увогуле, патрапіць нараджаць у шостую радзільню нескладана: з 37-га тыдня цяжарнасці можна заключыць дамову на платныя роды. Каштаваць яны будуць 450 рублёў (незалежна, звычайныя ці партнёрскія).
У сеціве можна знайсці мноства водгукаў пра шостую радзільню. 90% — станоўчыя:
"Нараджала ў 6-цы напрыканцы чэрвеня 2014 г. (першы раз там жа, у 2007). Абодва разы вельмі задаволена! Выдатныя лекары і акушэркі, добрае стаўленне! У гэты раз былі партнёрскія роды з мужам, была выдатная асобная перадродавая, у радзале была таксама адна. Толькі самыя лепшыя ўражанні пакінуў гэты РД".