Дар'я Домрачава падзякавала дактарам лякарні, дзе нарадзіла дачку
![Дар'я Домрачава падзякавала дактарам лякарні, дзе нарадзіла дачку](/sites/default/files/styles/gallery_main/public/2023-08/domra4ava-0610.jpg.webp?itok=yfe9KIIk)
Біятланістка Дар'я Домрачава ў сваім акаўнце ў Інстаграме падзякавала медыкам 6-й гарадской клінікі, дзе яна нарадзіла дачку.
"Вялікі дзякуй усім за віншаванні! Асобны і самы вялікі дзякуй Наталлі Адзінцовай і ўсім дактарам, якія дапамаглі 1 кастрычніка здарыцца гэтаму цуду!" — напісала трохразовая алімпійская чэмпіёнка. Наталля Адзінцова, якой падзякавала спартоўка — гэта намесніца галоўнага лекара па акушэрска-гінекалагічнай дапамозе клінікі.
Як паведамлялася раней, 1 кастрычніка ў Дар'і Домрачавай і Уле-Эйнара Б'ёрндалена нарадзілася дачка. Вага дзяўчынкі пры нараджэнні — 3650 г. Як плануюць назваць дачку, зорная пара біятланістаў яшчэ не паведамляла.