Навальнаму забаранілі выязджаць з Расіі
Фота: Навальны
Апазіцыйнаму палітыку Аляксею Навальнаму забаранілі выезд з Расіі.
Навальны напісаў у сваім Twitter, што прыбыў у аэрапорт, каб вылецець у Францыю. Палітык накіроўваўся ў Еўрапейскі суд па правах чалавека на абвяшчэнне рашэння па сваёй справе.
На памежным кантролі ў Навальнага забралі пашпарт "для правядзення спецыяльнай праверкі".
Пазней памежнікі яму паведамілі, што выезд з Расіі для яго "закрыты".
"Ёсць нейкі ліст на забарону, а тлумачэнняў няма", — напісаў Навальны.
Пазней Навальны апублікаваў на сваім сайце афіцыйную пастанову, якая забараняе яму выезд з Расіі. Аднак у дакуменце не пазначаная ні адна прычына такога рашэння.
Пограничники сообщают, что выезд из России мне закрыт. Есть некое письмо, что выезжать запрещено, но объяснений почему - нет.
— Alexey Navalny (@navalny) 13 ноября 2018 г.
