Нобелеўскую прэмію па медыцыне прысудзілі амерыканскім навукоўцам
Джэймс Ротман, Рэндзі Шэкман і Томас Зюдаф атрымалі яе за адкрыцці, якія датычаць механізмаў рэгуляцыі міжклеткавых узаемадзеянняў.
Аб гэтым у панядзелак абвесціў у Стакгольме Нобелеўскі камітэт пры Каралінскім медыцынскім інстытуце, інфармуе РІА "Новости".
Сёння пачынаецца Нобелеўскі тыдзень. Штодня будуць аб'яўляць уладальнікаў Нобелеўскіх прэмій за 2013 год
У аўторак і сераду назавуць уладальнікаў Нобелеўскай прэміі ў галіне фізікі і хіміі. Дата агалошвання імя нобелеўскага лаўрэата па літаратуры — 10 кастрычніка.
Сума кожнай Нобелеўскай прэміі складае 8 мільёнаў шведскіх кронаў ці 926 тысяч еўра. Цырымонія ўзнагароджання лаўрэатаў пройдзе 10 снежня ў Стакгольме.
Фота — AFP
