"Ноч паэтаў" у Вільні, Варшаве, Тбілісі, Батумі
!["Ноч паэтаў" у Вільні, 2022 год](/sites/default/files/styles/gallery_main/public/2023-08/DSC_1055.jpg.webp?itok=W3rp_a8n)
"Ноч паэтаў" у Вільні, 2022 год
29 кастрычніка ў розных гарадах свету беларусы правялі акцыі памяці літаратараў, расстраляных НКУС у ноч на 30 кастрычніка 1937 года ў засценках "амерыканкі" і Пішчалаўскага замка ў Мінску.
У Вільні ў мерапрыемстве ўдзельнічалі журналісты, музыканты, актывісты. Сярод іх — журналіст Алег Груздзіловіч, які нядаўна вызваліўся з турмы, музыкі Аляксандр Памідораў, Юры Несцярэнка, паэтка Сабіна Брыло і іншыя. Таксама выступіла кіраўнік Саюза літоўскіх пісьменнікаў Бірутэ Янушкайтэ.
!["Ночь поэтов" в Вильнюсе, Варшаве, Тбилиси, Батуми](/sites/default/files/styles/default_image_paragraph/public/paragraphs/image/DSC_1125.jpg.webp?itok=KX5AA2pt)
!["Ночь поэтов" в Вильнюсе, Варшаве, Тбилиси, Батуми](/sites/default/files/styles/default_image_paragraph/public/paragraphs/image/DSC_0999.jpg.webp?itok=8RzKT4ik)
!["Ночь поэтов" в Вильнюсе, Варшаве, Тбилиси, Батуми](/sites/default/files/styles/default_image_paragraph/public/paragraphs/image/DSC_0942.jpg.webp?itok=I8GQ-2K-)
Узгадвалі расстраляных беларускіх паэтаў, крытыкаў і празаікаў і ў Грузіі. У Батумі ў мерапрыемстве ў Цэнтральным парку горада ўдзельнічалі не толькі беларусы, але і грузінскія літаратары, піша "Будзьма".
"У мяне ўражанне, што было надзвычай душэўна, неяк вельмі шчыра, людзі рабілі гэта як штосьці сакральнае, — сказала пісьменніца Наталка Харытанюк. — Для беларусаў гэта так важна. Проста адчуваеш, якая цеплыня расплываецца, калі ўсе разам".
!["Ночь поэтов" в Вильнюсе, Варшаве, Тбилиси, Батуми](/sites/default/files/styles/default_image_paragraph/public/paragraphs/image/4lhra442ewfsvsawqugoieg0gdp40stm.jpg.webp?itok=9CFrzKMY)
!["Ночь поэтов" в Вильнюсе, Варшаве, Тбилиси, Батуми](/sites/default/files/styles/default_image_paragraph/public/paragraphs/image/10248os8g3vc6oog8c83gykjo2pbmvvc.jpg.webp?itok=wFWcyCkr)
У Тбілісі акцыя памяці прайшла ў Доме пісьменнікаў Грузіі. Вершы расстраляных паэтаў чыталі акцёр Аляксандр Ждановіч, рэжысёр Андрэй Бібікаў, музыканты Андрусь Такінданг і Рыгор Лайкоў ды іншыя. Таксама ўдзельнікі вечарыны наведалі анлайн-лекцыю "Непаслухмяныя дзеці кастрычніка".
!["Ночь поэтов" в Вильнюсе, Варшаве, Тбилиси, Батуми](/sites/default/files/styles/default_image_paragraph/public/paragraphs/image/ack9fptn1yhpphi8bd510ngx6gtdj5si.jpg.webp?itok=qLAWb2kk)
!["Ночь поэтов" в Вильнюсе, Варшаве, Тбилиси, Батуми](/sites/default/files/styles/default_image_paragraph/public/paragraphs/image/f2t4mef919bynoabumk2yjuua0tvlu0w.jpg.webp?itok=J2B1Yi8S)
Ушанавалі памяць беларускіх творцаў, расстраляных НКУС, і ў Варшаве. Гучалі вершы, запальваліся свечкі. Гэта адбывалася ля помніка загінулым і замардаваным у Сібіры.
!["Ночь поэтов" в Вильнюсе, Варшаве, Тбилиси, Батуми](/sites/default/files/styles/default_image_paragraph/public/paragraphs/image/312338140_607836171070733_7231109500752980477_n.jpg.webp?itok=lJeEJdve)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.