Ноччу пад Марыупалем баевікі праводзілі манеўры і размяшчалі "Грады"
Жыхары акупаваных гарадоў Данбаса паведамляюць, што ўсю ноч чулі выбухі і залпы цяжкай зброі.
Пад Марыупалем баевікі праводзяць манеўры: уначы падцягвалі да сваіх пазіцыяў сістэмы залпавага агню "Град", але паведамленняў пра абстрэлы не было. Верагодна, ідзе падрыхтоўка да штурму, адзначае УНІАН.
Напярэдадні каля Марыупаля, у Паўлаполлі, невядомыя ўзарвалі мост праз плаціну, абстралялі сацыяльныя аб'екты.
Як паведамлялася раней, прадстаўнікі місіі АБСЕ зафіксавалі 11 фактаў парушэння рэжыму спынення агню з боку баевікоў толькі паблізу Марыупаля.
Фота — Reuters
