Паліва упершыню з пачатку года не падаражэла — каментар "Белнафтахіма"

З пачатку 2020 года "Белнафтахім" штотыдзень падвышаў кошты на паліва на 1 капейку. Са студзеня па сакавік паліва падаражэла 9 разоў. У нядзелю, 8 сакавіка, цэны на паліва не змяніліся, хоць на мінулым тыдні "Белнафтахім" выказваў асцярожны аптымізм у сувязі са зніжэннем сусветных коштаў на нафту ў другой палове лютага і пачатку сакавіка.

Еўрарадыё звярнулася ў "Белнефлехим" з пытаннем, чаму ж 8 сакавіка кошты на паліва не знізіліся (хоць, трэба прызнаць, і не выраслі). Як растлумачыў прэс-сакратар дзяржканцэрна Аляксандр Цішчанка, на сусветным рынку зніжаецца кошт ф'ючэрсаў на нафту з пастаўкай у красавіку-маі, "а на сённяшні момант яны могуць і не ўплываць".

"Цэны ж на паліва не паднялі? Значыць, усё правільна, — пракаментаваў Цішчанка магчымае зніжэнне коштаў на паліва ў Беларусі. — Так, аптымізм існуе з нагоды таго, што калі кошты [сусветныя цэны на нафту. — Еўрарадыё] падаюць, то ў выніку можна будзе выходзіць на нейкае, можа быць, зніжэнне".

Калі дакладна беларусам чакаць сніжэння коштаў на паліва, у "Белнафтахіме" не кажуць.

У сваім мінулым прэс-рэлізе ад 29 лютага "Белнафтахім" не згадваў, што нафта таннее з пастаўкай у красавіку-траўні. Там гаварылася як раз пра сакавік: "Бягучы месяц завяршаецца сыходзяць трэндам коштаў на нафту, што дазваляе фармаваць аптымістычны прагноз па далейшай дынаміцы цэн на нафтапрадукты на ўнутраным рынку ў сакавіку".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.