Памежны пераход "Брузгі" аказаўся ў дыме праз вогнішчы мігрантаў
Мігранты абжываюцца на тэрыторыі памежнага пераходу "Брузгі-Кузніца" / Скрыншот відэа @shot_shot
Мігранты пачалі ўладкоўвацца на тэрыторыі памежнага пераходу "Брузгі-Кузніца", яны разбіваюць палаткі, раскладваюць спальнікі проста на дарозе і разводзяць тут вогнішчы.
Паводле ацэнак польскай Памежнай службы, на пункце пропуску "Брузгі" цяпер знаходзіцца больш за 3,5 тысячы ўцекачоў. У Дзяржпамежкамітэце Беларусі заяўляюць, што гаворка ідзе пра 2 тысячы мігрантаў.
Калона мігрантаў у суправаджэнні беларускіх сілавікоў у панядзелак пакінула лагер і перайшла да пункта пропуску на ўездзе ў Польшчу. Мігранты па-ранейшаму ўпэўненыя, што сёння па іх прыедуць аўтобусы з Германіі.
