Парашэнка і Пуцін прыйшлі да высновы, што перамір’е выконваецца
Кіраўнікі Украіны і Расіі ў тэлефоннай размове абмеркавалі захады, каб спыненне агню на Данбасе набыло ўстойлівы характар.
Прэзідэнты канстатавалі, што рэжым спынення агню, пра які дамовіліся 5 верасня ў Мінску, у цэлым выконваецца. Пятро Парашэнка і Уладзімір Пуцін таксама падкрэслілі, што неабходна прыцягнуць АБСЕ да маніторынгу сітуацыі і кантролю над рэжымам спынення агню.
Апроч таго, кіраўнікі дзяржаў пагутарылі пра шляхі ўзаемадзеяння па дастаўцы міжнароднай гуманітарнай дапамогі паўднёваму ўсходу Украіны, інфармуе РИА Новости.
