Пенсіянерку, асуджаную за каментары ў сацсетках, нечакана выпусцілі на волю
Галіна Міхальчук / facebook.com/groups/dissident.by
Нечакана на волю выйшла пенсіянерка з Ваўкавыску Галіна Міхальчук, паведамляе dissidentby.
70-гадовая жанчына выйшла з-за кратаў 20 верасня. Сёлета ў лютым яе асудзілі на 2,5 года за каментары ў сацсетках.
На судзе, як расказвала Еўрарадыё, дзяржабвінаваўца заявіла, што Міхальчук "ставіцца ў віну адчуванне нянавісці да рэжыму".
Прычыны, паводле якіх вызвалілі пенсіянерку, невядомыя.
