Ператрус адбыўся дома ў Барыса Гарэцкага — намесніка кіраўніка БАЖ
Барыс Гарэцкі / фота з яго акаўнту ў Фэйсбуку
Па месцы прапіскі намесніка кіраўніка "Беларускай асацыяцыі журналістаў" Барыса Гарэцкага адбыўся ператрус.
"Сілавікі прыходзілі з пастановай на ператрус. Я не ведаю, ці нешта было забрана з кватэры, людзі вельмі напалоханыя і цяпер баяцца камунікаваць. Але ніякіх маіх рэчаў у кватэры няма, бо я вымушана не жыву ў Беларусі ўжо тры гады", — расказаў Гарэцкі прэс-службе БАЖ.
На яго пачалі крымінальную справу, але за што — невядома. Гарэцкі, як і іншыя кіраўнікі БАЖ, вымушана пакінуў Беларусь яшчэ ў 2021‑м годзе — пасля таго, як сілавікі разграмілі офіс арганізацыі ў Мінску.
