Польшча пачала выдаваць беларусам двухгадовыя турыстычныя візы
Гэта зроблена для таго, каб турысты змаглі больш камфортна адпачываць у Польшчы і краінах Шэнгенскай зоны.
“Новыя доўгатэрміновыя, двухгадовыя турыстычныя візы мы ўжо выдаем. Жыхары Гродзеншчыны і турыстычныя бюро могуць падаваць анкеты на двухгадовую турыстычную візу. Гэта віза, якую мы выдаем асобам, якія былі ў Польшчы, — сказаў у інтэрв’ю “Радыё Рацыя” генеральны консул Польшчы ў Гродне Анджэй Хадкевіч.
Усе польскія консульствы, якія дзейнічаюць у Беларусі, штогод выдаюць 350 тысяч віз. Адно толькі гродзенскае генеральнае консульства забяспечвае візамі 115 тысяч беларусаў.
