Прадпрымальнікі збяруцца ў Мінску на чарговы форум
![Прадпрымальнікі збяруцца ў Мінску на чарговы форум](/sites/default/files/styles/gallery_main/public/2023-08/forum-1805-1.jpg.webp?itok=tKlacP3C)
14 снежня беларускія прадпрымальнікі збяруцца ў Мінску ў гасцініцы "Беларусь" на чарговы форум. Ён мае назву "Будучыня прадпрымальнікаў з 1 студзеня 2016 года: наступствы, рызыкі і прапановы". Мяркуецца, што ў мерапрыемстве прыме ўдзел не менш за 250 чалавек. Запрашэнні былі адпраўленыя ва ўрад і Адміністрацыю прэзідэнта.
Як паведамляла Еўрарадыё, напярэдадні Рэспубліканскае грамадскае аб'яднанне "Перспектыва" прыняло маніфест "За прадпрымальніцкую Беларусь!". Адзначаецца, што яго адрасаты — беларускі народ і прэзідэнт Беларусі. "Перспектыва" заклікае "спыніць вайну з прадпрымальнікамі" і "эксперыменты над бізнесам". "Мы хочам ісці за цывілізаваным светам у нагу з часам, а не жыць па законах мінулага", — гаворыцца ў дакуменце.
Цалкам "Маніфест" можна паглядзець тут.
Здымак з архіву Еўрарадыё.