Праз тыдзень пройдзе злёт беларускіх і расійскіх партызан
27 чэрвеня ў Клічаўскім раёне Беларусі збяруцца каля 100 ветэранаў Вялікай Айчыннай вайны.
Яны паўдзельнічаюць у абласным злёце, прысвечаным 70-м угодкам з дня вызвалення Беларусі. Мясцовыя ўлады запланавалі шматлікія мерапрыемствы, у тым ліку ў лагеры-музеі партызан пад адкрытым небам. Там пройдзе "тэатралізаваная музычная праграма з элементамі рэканструкцыі жыцця партызан", інфармуе БЕЛТА.
Клічаўшчына невыпадкова абрана месцам злёту партызанаў. Гэта быў адзін з цэнтраў партызанскага руху. Яшчэ 30 сакавіка 1942 года партызаны вызвалілі раённы цэнтр ад нямецкіх захопнікаў.
