Прэзідэнт Германіі Франк-Вальтэр Штайнмаер пераабраны на другі тэрмін
Штайнмаер і Лукашэнка / прэс-служба Лукашэнкі
Прэзідэнт Германіі Франк-Вальтэр Штайнмаер пераабраны на другі тэрмін. 13 лютага за яго прагаласавала істотная большасць сяброў Федэральнага сходу, паведамляе Deutsche Welle.
Сацыял-дэмакрата Штайнмаера падтрымалі ўсе вядучыя партыі. Не падтрымалі яго толькі правыя папулісты з "Альтэрнатывы для Германіі" і "Левыя". За палітыка прагаласавалі 1045 з 1425 сябраў сходу, 86 устрымаліся, 294 чалавекі прагаласавалі за іншых кандыдатаў.
Штайнмаеру 66 гадоў. Прэзідэнтам яго абралі ў 2017 годзе. Раней ён займаў пасаду міністра замежных спраў Германіі ў кааліцыйным урадзе ХДС/ХСС і СДПГ, а таксама быў віцэ-канцлерам. Палітык удзельнічаў у перамовах па "Мінскіх дамовах".
